صفات عضو مجلس الشعب القادم

عضو مجلس الشعب من المفترض ان يكون ذو مواصفات خاصة وان يكون على قدر عالى من العلم والالمام بالحياة السياسية وبما يدور فيها ومن اهم الصفات التى يجب ان تكون متوفرة فى عضو مجلس الشعب الاتى:
1/ ان يكون متعلم ومثقف وعلى قدر ليس بالقليل من العلم كى يستطيع التحدث مع الناس
2/ ان يكون على معرفة بالحياة السياسية وبما يدور فيها
3/ ان يكون متواجد اغلب الوقت داخل البلد على ان يكون سفره للقاهره ليس الا لحضور جلسات المجلس او على الاقل تعيين من ينوب عنه اثناء غيابه وان يكونوا ناس على قدر من الثقه والعلم ايضا
4/ ان يكون شاب والا يزيد عمره عن 45 سنه او 50 سنة
5/ ان يكون هناك شبه اجماع من البلد على اختياره والتفاف جميع ابناء البلد حوله ونسيان خلافاتهم
وربنا يولى من يصلح لهذه البلد ،،


وليس من يرسل شيكارة كيماوى وما الى ذلك

بلاش رجعية فى التفكير يا جماعة خلينا نتقدم شوية

أنا كنت فى الشغل النهاردة وكنت بتكلم مع زملائى إنتوا عاوزين إيه من عضو مجلس الشعب اللى جاى فكان فيه رأى من الآراء بيقول احنا عاوزينه واحد معاه فلوس علشان يقدر يقدم خدمات فرديت وقلت يعنى انتوا مازهقتوش ومحرمتوش ما عز بيه كان معاه فلوس وكنتوا بتقولوا حرامى بيدينى أحسن من حرامى مابيدينيش يا جماعة الفلوس دى حقنا ليه نرضى إن واحد يجى يشحتنا الفتات ويقول لنا خدوا دى حسنة منى ليكوا فى حين إن حقك أكبر من كده بكتير وحقك مش شحاته والحمد لله بدأت الكفةترجح شوية ناحية المرشح اللى بيدور على حق الناس مش اللى معاه فلوس وبس والله بيدور على حقى وبيجيبه ومعاه فلوس بيعمل بيها مشاريع خيرة كمان خير وبركه فيه رأى تانى قال يبصوا شوية لمرتبات موظفين الحكومة ودى عندهم حق أنا مرتبى 386 جنيه بل بالعكس أنا اتصدمت النهاردة وأنا بسأل واحدة زميلى فى الشغل مرتبك كام تخيلوا الكارثة متعينة قبل منى بحوالى 3سنين ومرتبها 180جنيه متخيلين الرقم فى طلب تات بيقول مشكلة مصر كلها فى رغيف العيش ودى الكل ملاحظها
هذه كانت بعض وجهات النظر لأناس من قرية منشأة سلطان .
أما رأيى أنا وانا من دبركى :-
صفات عضو مجلس الشعب
1- أن يكون شخص حاصل على مؤهل عالى على الأقل
2 - أن يكون له برنامج واضح ليس كلاما فقط وإنما يعرض المشكلة ويعرض حلولها فى خلال إطار زمنى معين
3- أن لايزيد سنه عن 60 سنة
4 - أن يكون ملما بالقضايا السياسية الداخلية والخارجية ومشاكل المجتمع ككل ومشاكل الدائرة على وجه الخصوص ولا يكتفى بمجرد علمه ببعض الأمور السياسية لأنه من المفترض أن مجلس الشعب هو المعبر عن الشعب وقضايه كلها وليس رئيس الجمهورية فكل عضو بمجلس الشعب يعتبر رئيسا لدائرته ولابد أن تكون قرارته هى النافذة على رئيس الجمهورية وليس العكس
5 - أن يكون من أبناء الدئرة ومش من الجيزة زى صحبنا الله لايرجعه
6- لايجوز استخدام شعارات دينية فى الدعاية