ارجع يا ريس محتاجين صمام امان

نطالب بعودة الرئيس السابق حسني مبارك مرة أخري إلي الحكم, وكانت الأسباب كالآتي:

ار...جع يا ريس قبل العيد عشان نعرف نقول عيد مبارك
ارجع يا ريس مش لاقيين اسم لمحطه رمسيس في المترو
ارجع يا ريس... تقريبا نسيت نور الصالون في القصر مفتوح
......ارجع لحسن شكلك هيبقي وحش قدام السادات و ناصر لما يسألوك مشيت ازاي؟
ارجع يا ريس.. وحشنا ابنك جمال
ارجع عشان ننزل التحرير تاني وناكل كنتاكي
ارجع.. بقوا يطبخوا ع الفحم في اسرائيل
طب ارجع يا ريس واللي اتفرم يتصلح
ارجع ياريس... شارع صلاح سالم بقالو كتير مابيوقفش
ارجع يا ريس دكاترة الضغط والسكر والقلب مش لاقيين شغل
طب ارجع عشان تامر حسني.. أو تامر أمين..
ارجع يا ريس انا بقيت بتكلم في السياسة براحتي
ارحمنا وارجع بقي...مين اللي هيغير اسم 620 الف مشروع ومدرسة باسم سعادتك؟
ارجع ياريس شكلنا هنبقي من الدول المتقدمة
...ارجع بقي ده حتي هالة سرحان رجعت, يرضيك كده يعني؟؟
يا ريس ارجع انا خايف رغيف العيش يكبر وأنا ناوي اعمل دايت
ارجع بجد, دلوقتي لما مبيعجبناش وزير بيتغير, المسئولون اتبهدلوا من بعدك!

تصدق والله منعرفشى العيد الجاي هنقول ايه

ولا هنسكت امته عن الكلام فى السياسة بحريتنا


ميرسى ليك


عشان نفكر مرة تانية فى ايه اللى هيحصل فى العيد

انا قرات المقالة على الفيس حالا

انا مش عارف فعلا الشعب هيعمل ايه من غيرى


انا بفكر ارجع بس خايف


الطماطم بتاع عبدالحليم حافظ تيجى عليه


انتم شعب ملوش امان

بس اوعدكم

الرسالة وصلت وهفكر